مصطفی جان رحمت پہ لاکھوں سلام-نعت شریف

 نعت شریف مصطفی جان رحمت پہ لاکھوں سلام تضمین

مصطفیٰ جان رحمت پہ لاکھوں سلام نعت شریف –اس ویب سائیٹ پر آپ کو نعت شریف وڈیو  کے ساتھ لکھی ہوئی نعتیں ملینگی۔ اور الحمداللہ اللہ رب العزت کے فضل و کرم سے ہم اپنی ویب سائٹ پر تقریباً تمام نعتیں لکھنے میں کوشاں ہیں ۔

جس میں آپ (نعت شریف فارسی، نعت رسول اردو بھترین نعتیں، لکھی ہوئی اردو نعتیں) وڈیو کہ ساتھ، آپ پڑھ اور سن سکتے ہیں.

naat sharif (Mustafa s.l.w Jane rehmat pe lakhon salam) is website per aapko Naat Sharif video ke sath likhi hui naate milengi.

aur alhamdulillah Allah rb izzat k fazl u kram se ham Apne website per takriban tamam(Naat Sharif all) naate likhane mein ko sha hai.

Jismein aap (New Naat Sharif,Naat sharif 2022,Naat Sharif in Urdu,Naat Sharif Lyrics,Naat Sharif in Farsi,Naat Sharif video,Best Naat Sharif,naat sharif 2021,aur porani naatain likhi howi video ke sath ap parh aur sun skhathe he.

مصطفی جان رحمت پہ لاکھوں سلام lyrics ململ سلام رضا

 درود و سلام

مصطفی جان رحمت پہ لا کھوں سلام

شمع بزم ہدایت پہ لاکھوں سلام

1
شہر یار ارم تاجدار حرم

نو بہارِ شفاعت پہ لاکھوں سلام

2۔

دور و نزدیک کے سننے والے وہ کان
کان لعل کرامت پہ لاکھوں سلام

 

2

جس کے ماتھے شفاعت کا سہرا رہا
 ہاں اس جبین سعادت پہ لاکھوں سلام

 

3

جس طرف اٹھ گئی دم میں دم آگیا
 اس نگاہ عنایت پہ لاکھوں سلام

 

4

 جس کی تسکیں سے روتے ہوئے ہنس پڑے
اس تبسم کی عادت پہ لاکھوں سلام
5
جس سوہانی گھڑی چمکا طیبہ کا چاند
 اس دل افروز ساعت پہ لاکھوں سلام
 
6

کاش محشر میں جب ان کی آمد ہو اور

بھیجیں سب ان کی شوکت پہ لاکھوں سلام

7

مجھ سے خدمت کے قدسی کہیں ہاں رضا
 
مصطفی جانے رحمت پہ لاکھوں سلام سلام 
8
مہر چرخِ نبوت پہ روشن درود
 

گلِ باغِ رسالت پہ لاکھوں سلام

9

شہرِ یارِ ارم تاج دارِ حرم

نوبہارِ شفاعت پہ لاکھوں سلام

10

شبِ اسرا کے دولہا پہ دائم درود

نوشۂ بزمِ جنت پہ لاکھوں سلام

11

عرش کی زیب و زینت پہ عرشی درود

فرش کی طیب و نزہت پہ لاکھوں سلام

12

نورِ عینِ لطافت پہ الطف درود

زیب و زینِ نظافت پہ لاکھوں سلام

13

سروِ نازِ قِدَم مغزِ رازِ حِکَم

یکّہ تازِ فضیلت پہ لاکھوں سلام

14

نقطۂ سِرِّ وحدت پہ یکتا درود

مرکزِ دورِ کثرت پہ لاکھوں سلام

15

صاحبِ رَجعتِ شمس و شق القمر

نائبِ دستِ قدرت پہ لاکھوں سلام

16

جس کے زیرِ لِوا آدم و من سِوا

اس سزائے سیادت پہ لاکھوں سلام

17

عرش تا فرش ہے جس کے زیر نگیں 

اُس کی قاہر ریاست پہ لاکھوں سلام

18

اصل ہر بود و بہبود تُخمِ وجود

قاسمِ کنزِ نعمت پہ لاکھوں سلام

19

فتحِ بابِ نبوت پہ بے حد درود

ختمِ دورِ رسالت پہ لاکھوں سلام

20

شرقِ انوارِ قدرت پہ نوری درود

فتقِ اَزہارِ قدرت پہ لاکھوں سلام

21

بے سہیم و قسیم و عدیل و مثیل

جوہرِ فردِ عزت پہ لاکھوں سلام

22

سِرِّ غیبِ ہدایت پہ غیبی درود

عطر جیبِ نہایت پہ لاکھوں سلام

23

ماہِ لاہوتِ خلوت پہ لاکھوں درود

شاہِ ناسوتِ جلوت پہ لاکھوں سلام

24

کنزِ ہر بے کس و بے نوا پر درود

حرزِ ہر رفتہ طاقت پہ لاکھوں سلام

25

پرتوِ اسمِ ذاتِ اَحد پر درود

نسخۂ جامعیت پہ لاکھوں سلام

26

مطلعِ ہر سعادت پہ اسعد درود

مقطعِ ہر سیادت پہ لاکھوں سلام

27

خلق کے داد رس سب کے فریاد رس

کہفِ روزِ مصیبت پہ لاکھوں سلام

28

مجھ سے بے کس کی دولت پہ لاکھوں درود

مجھ سے بے بس کی قوت پہ لاکھوں سلام

29

شمعِ بزمِ دنیٰ ہو میں گم کن انا

See also  naat Sharif نعت شریف- یا رحمت العالمین- لکھی ہوئی نعت شریف وڈیو کے ساتھ

شرحِ متنِ ہویَّت پہ لاکھوں سلام

30

انتہائے دوئی ابتدائے یکی

جمع تفریق و کثرت پہ لاکھوں سلام

31

کثرتِ بعدِ قلت پہ اکثر درود

عزتِ بعدِ ذلت پہ لاکھوں سلام

32

ربِّ اعلا کی نعمت پہ اعلا درود

حق تعالیٰ کی منّت پہ لاکھوں سلام

33

ہم غریبوں کے آقا پہ بے حد درود

ہم فقیروں کی ثروت پہ لاکھوں سلام

34

فرحتِ جانِ مومن پہ بے حد درود

غیظِ قلبِ ضلالت پہ لاکھوں سلام

35

سببِ ہر سبب منتہائے طلب

علتِ جملہ علت پہ لاکھوں سلام

36

مصدرِ مظہریت پہ اظہر درود

مظہرِ مصدریت پہ لاکھوں سلام

37

جس کے جلوے سے مرجھائی کلیا ں کھلیں

اس گلِ پاک منبت پہ لاکھوں سلام

38

قدِّ بے سایہ کے سایۂ مرحمت

ظلِ ممدود رافت پہ لاکھوں سلام

39

طائرانِ قدس جس کی ہیں قُمریاں

اس سہی سرو قامت پہ لاکھوں سلام

40

وصف جس کا ہے آئینۂ حق نما

اس خدا ساز طلعت پہ لاکھوں سلام

41

جس کے آگے سرِ سروراں خم رہیں

اس سرِ تاجِ رفعت پہ لاکھوں سلام

42

وہ کرم کی گھٹا گیسوے مشک سا

لکّۂ ابرِ رافت پہ لاکھوں سلام

43

لیلۃُ القدر میں مطلعِ الفجر حق

مانگ کی استقامت پہ لاکھوں سلام

44

لخت لختِ دلِ ہر جگر چاک سے

شانہ کرنے کی عادت پہ لاکھوں سلام

45

دور و نزدیک کے سننے والے وہ کان

کانِ لعلِ کرامت پہ لاکھوں سلام

46

چشمۂ مِہر میں موجِ نورِ جلال

اس رگِ ہاشمیت پہ لاکھوں سلام

47

جس کے ماتھے شفاعت کا سہرا رہا

اس جبینِ سعادت پہ لاکھوں سلام

48

جن کے سجدے کو محرابِ کعبہ جھکی

ان بھووں کی لطافت پہ لاکھوں سلام

49

ان کی آنکھوں پہ وہ سایہ افگن مژہ

ظلۂ قصرِ رحمت پہ لاکھوں سلام

50

اشک باریِ مژگاں پہ برسے درود

سلکِ دُرِّ شفاعت پہ لاکھوں سلام

51

معنیِ قَدْ رَأیٰ مقصدِ مَاطَغیٰ

نرگسِ باغِ قدرت پہ لاکھوں سلام

52

جس طرف اٹھ گئی دم میں دم آ گیا

اس نگاہِ عنایت پہ لاکھوں سلام

53

نیچی آنکھوں کی شرم و حیا پر درود

اونچی بینی کی رفعت پہ لاکھوں سلام

54

جن کے آگے چراغِ قمر جھلملائے

ان عِذاروں کی طلعت پہ لاکھوں سلام

55

ان کے خد کی سُہولت پہ بے حد درود

ان کے قد کی رشاقت پہ لاکھوں سلام

56

جس سے تاریک دل جگمگانے لگے

اس چمک والی رنگت پہ لاکھوں سلام

57

چاند سے منہ پہ تاباں درخشاں درود

نمک آگیں صباحت پہ لاکھوں سلام

58

شبنمِ باغِ حق یعنی رخ کا عرَق

اس کی سچی بَراقت پہ لاکھوں سلام

59

خط کی گردِ دہن وہ دل آرا پھبن

سبزۂ نہرِ رحمت پہ لاکھوں سلام

60

رِیشِ خوش معتدل مرہمِ رَیش دل

ہالۂ ماہِ ندرت پہ لاکھوں سلام

61

پتلی پتلی گلِ قدس کی پتیاں

ان لبوں کی نزاکت پہ لاکھوں سلام

62

وہ دہن جس کی ہر بات وحیِ خدا

چشمۂ علم و حکمت پہ لاکھوں سلام

63

جس کے پانی سے شاداب جان و جناں

اس دہن کی طراوت پہ لاکھوں سلام

64

جس سے کھاری کنویں شیرۂ جاں بنے

اس زلالِ حلاوت پہ لاکھوں سلام

65

وہ زباں جس کو سب کن کی کنجی کہیں

اس کی نافذ حکومت پہ لاکھوں سلام

66

اس کی پیاری فصاحت پہ بے حد درود

اس کی دل کش بلاغت پہ لاکھوں سلام

67

اس کی باتوں کی لذت پہ بے حد درود

اس کے خطبے کی ہیبت پہ لاکھوں سلام

68

وہ دعا جس کا جوبن قبولِ بہار

اس نسیمِ اجابت پہ لاکھوں سلام

69

جن کے گچھّے سے لچھّے جھڑیں نور کے

ان ستاروں کی نُزہت پہ لاکھوں سلام

70

جس کی تسکیں سے روتے ہوئے ہنس پڑیں

اس تبسم کی عادت پہ لاکھوں سلام

71

جس میں نہریں ہیں شیٖر شکر کی رواں

اس گلے کی نضارت پہ لاکھوں سلام

72

دوش بردوش ہے جن سے شانِ شرف

ایسے شانوں کی شوکت پہ لاکھوں سلام

73

حَجَرِ اسودِ کعبۂ جان و دل

See also  Naat sharif Farsi.کشف الدجیٰ بجمالہ -

یعنی مُہرِ نبوت پہ لاکھوں سلام

74

روئے آئینۂ علم پشتِ حضور

پشتیِ قصرِ ملّت پہ لاکھوں سلام

75

ہاتھ جس سمت اُٹھّا غنی کر دیا

موجِ بحرِ سماحت پہ لاکھوں سلام

76

جس کو بارِ دو عالم کی پروا نہیں

ایسے بازو کی قوت پہ لاکھوں سلام

77

کعبۂ دین و ایماں کے دونوں ستوں

ساعدینِ رسالت پہ لاکھوں سلام

78

جس کے ہر خط میں ہے موجِ نورِ کرم

اس کفِ بحرِ ہمت پہ لاکھوں سلام

79

نور کے چشمے لہرائیں دریا بہیں

انگلیوں کی کرامت پہ لاکھوں سلام

80

عیدِ مشکل کشائی کے چمکے ہلال

ناخنوں کی بشارت پہ لاکھوں سلام

81

رفعِ ذکرِ جلالت پہ اَرفع درود

شرحِ صدرِ صدارت پہ لاکھوں سلام

82

دل سمجھ سے ورا ہے مگر یوں کہوں

غنچۂ رازِ وحدت پہ لاکھوں سلام

83

کل جہاں مِلک اور جَو کی روٹی غذا

اس شکم کی قناعت پہ لاکھوں سلام

84

جو کہ عزمِ شفاعت پہ کھنچ کر بندھی

اس کمر کی حمایت پہ لاکھوں سلام

85

انبیا تَہ کریں زانُو ان کے حضور

زانُوؤں کی وجاہت پہ لاکھوں سلام

86

ساق اصلِ قدم شاخِ نخلِ کرم

شمعِ راہِ اِصابت پہ لاکھوں سلام

87

کھائی قرآں نے خاکِ گزر کی قسم

اس کفِ پا کی حُرمت پہ لاکھوں سلام

88

جس سہانی گھڑی چمکا طیبہ کا چاند

اس دل افروز ساعت پہ لاکھوں سلام

89

پہلے سجدے پہ روزِ ازل سے درود

یادگاریِ اُمت پہ لاکھوں سلام

90

زرع شاداب و ہر ضرع پُر شیٖر سے

برکاتِ رضاعت پہ لاکھوں سلام

91

بھائیوں کے لیے ترکِ پِستاں کریں

دودھ پیتوں کی نِصفت پہ لاکھوں سلام

92

مہدِ والا کی قسمت پہ صدہا درود

بُرجِ ماہِ رسالت پہ لاکھوں سلام

93

اللہ اللہ وہ بچپنے کی پھبَن!

اس خدا بھاتی صورت پہ لاکھوں سلام

94

اٹھتے بوٹوں کی نشوونَما پر درود

کھِلتے غنچوں کی نکہت پہ لاکھوں سلام

95

فضلِ پیدایشی پر ہمیشہ درود

کھیلنے سے کراہت پہ لاکھوں سلام

96

اعتلائے جبلت پہ عالی درود

اعتدالِ طَوِیّت پہ لاکھوں سلام

97

بے بناوٹ ادا پر ہزاروں درود

بے تکلف ملاحت پہ لاکھوں سلام

98

بھینی بھینی مہک پر مہکتی درود

پیاری پیاری نفاست پہ لاکھوں سلام

99

میٹھی میٹھی عبارت پہ شیریں درود

اچھی اچھی اِشارت پہ لاکھوں سلام

100

سیدھی سیدھی رَوِش پر کروروں درود

سادی سادی طبیعَت پہ لاکھوں سلام

101

روزِ گرم و شبِ تیرہ و تار میں

کوہ و صحرا کی خلوت پہ لاکھوں سلام

102

جس کے گھیرے میں ہیں انبیا و مَلک

اس جہاں گیر بعثت پہ لاکھوں سلام

103

ادھے شیشے جھلاجھل دمکنے لگے

جلوہ ریزیِ دعوت پہ لاکھوں سلام

104

لطفِ بیداریِ شب پہ بے حد درود

عالمِ خوابِ راحت پہ لاکھوں سلام

105

خندۂ صبحِ عشرت پہ نوری درود

گِریۂ ابرِ رحمت پہ لاکھوں سلام

106

نرمیِ خوئے لینت پہ دائم درود

گرمیِ شانِ سطوت پہ لاکھوں سلام

107

جس کے آگے کھنچی گردنیں جھک گئیں

اُس خداداد شوکت پہ لاکھوں سلام

108

کس کو دیکھا یہ موسیٰ سے پوچھے کوئی

آنکھوں والوں کی ہمت پہ لاکھوں سلام

109

گردِ مہ دستِ انجم میں رخشاں ہلال

بدر کی دفعِ ظلمت پہ لاکھوں سلام

110

شورِ تکبیر سے تھرتھراتی زمیں

جنبشِ جیشِ نصرت پہ لاکھوں سلام

111

نعرہائے دلیراں سے بَن گونجتے

غُرّشِ کوسِ جرأت پہ لاکھوں سلام

112

وہ چقاچاق خنجر سے آتی صدا

مصطفی تیری صَولت پہ لاکھوں سلام

113

ان کے آگے وہ حمزہ کی جاں بازیاں

شیرِ غُرّانِ سطوت پہ لاکھوں سلام

114

الغرض ان کے ہر مو پہ لاکھوں درود

ان کی ہر خو و خصلت پہ لاکھوں سلام

115

ان کے ہر نام و نسبت پہ نامی درود

ان کے ہر وقت و حالت پہ لاکھوں سلام

116

ان کے مولا کی ان پر کروروں درود

ان کے اصحاب و عترت پہ لاکھوں سلام

117

پارہائے صُحف غنچہ ہائے قدس

اہلِ بیتِ نبوت پہ لاکھوں سلام

118

آبِ تطہیر سے جس میں پودے جمے

اس ریاضِ نجابت پہ لاکھوں سلام

See also  Naat sharif-نعت شریف اردو-بہر دیدار مشتاق ہے ہر نظر دونوں عالم کے سرکار آ جائیے

119

خونِ خیرالرُسل سے ہے جن کا خمیر

ان کی بے لوث طینت پہ لاکھوں سلام

120

اس بتولِ جگر پارۂ مصطفی

حجلہ آرائے عِفت پہ لاکھوں سلام

121

جس کا آنچل نہ دیکھا مہ و مِہر نے

اس رِدائے نَزاہت پہ لاکھوں سلام

122

سیّدہ زاہرہ طیّبہ طاہرہ

جانِ احمد کی راحت پہ لاکھوں سلام

123

حَسَنِ مجتبیٰ سیّدُ الاسخیا

راکبِ دوشِ عزت پہ لاکھوں سلام

124

اَوجِ مہرِ ہُدیٰ موجِ بحرِ نَدیٰ

رَوحِ رُوحِ سخاوت پہ لاکھوں سلام

125

شہد خوارِ لُعابِ زبانِ نبی

چاشنی گیرِ عصمت پہ لاکھوں سلام

126

اس شہیدِ بَلا شاہِ گلگوں قَبا

بے کسِ دشتِ غربت پہ لاکھوں سلام

127

دُرِّ دُرجِ نجف مِہرِ بُرجِ شرَف

رنگِ رومی شہادت پہ لاکھوں سلام

128

اہلِ اسلام کی مادرانِ شفیق

بانوانِ طہارت پہ لاکھوں سلام

129

جلوگیّانِ بیت الشَّرَف پر درود

پردگیّانِ عفت پہ لاکھوں سلام

130

سَیِّما پہلی ماں کہفِ امن و امان 

حق گزارِ رفاقت پہ لاکھوں سلام

131

عرش سے جس پہ تسلیم نازل ہوئی

اس سرائے سلامت پہ لاکھوں سلام

132

منزلُ مَّن قَصَبْ لَا نَصَبْ لَاصَخَبْ

ایسے کوشک کی زینت پہ لاکھوں سلام

133

بنتِ صدّیق آرامِ جانِ نبی

اس حریمِ براء ت پہ لاکھوں سلام

134

یعنی ہے سورۂ نور جن کی گواہ

ان کی پُر نور صورت پہ لاکھوں سلام

135

جن میں روح ا لقدُس بے اجازت نہ جائیں

ان سُرادِق کی عِصمت پہ لاکھوں سلام

136

شمعِ تابانِ کاشانۂ اجتہادم الک احمد امامِ حنی

چار باغِ امامت پہ لاکھوں سلام

137

کاملانِ طریقت پہ کامل درود

حاملانِ شریعت پہ لاکھوں سلام

138

غوثِ اعظم امام التقیٰ والنقیٰ

جلوۂ شانِ قدرت پہ لاکھوں سلام

139

قطبِ ابدال و ارشاد و رشدالرشاد

مُحییِ دین و ملت پہ لاکھوں سلام

140

مردِ خیلِ طریقت پہ بے حد درود

فردِ اہلِ حقیقت پہ لاکھوں سلام

141

جس کی منبر ہوئی گردنِ اولیا

اس قدم کی کرامت پہ لاکھوں سلام

142

شاہِ برکات و برکات پیشینیاں

نوبہارِ طریقت پہ لاکھوں سلام

143

سید آلِ محمد امام الرشید

گلِ روضِ ریاضت پہ لاکھوں سلام

144

حضرتِ حمزہ شیرِ خدا و رسول

زینتِ قادریت پہ لاکھوں سلام

145

نام و کام و تن و جان و حال و مقال

سب میں اچھے کی صورت پہ لاکھوں سلام

146

نورِ جاں عطر مجموعہ آلِ رسول

میرے آقائے نعمت پہ لاکھوں سلام

147

زیبِ سجادہ سجاد نوری نہاد

احمدِ نورِ طینت پہ لاکھوں سلام

148

بے عذاب و عتاب و حساب و کتاب

تاابد اہلِ سنّت پہ لاکھوں سلام

149

تیرے ان دوستوں کے طفیل اے خدا

بندۂ ننگِ خلقت پہ لاکھوں سلام

150

میرے استاد ماں باپ بھائی بہن

اہلِ ولد و عشیرت پہ لاکھوں سلام

151

ایک میرا ہی رحمت میں دعویٰ نہیں

شاہ کی ساری اُمّت پہ لاکھوں سلام

152

کاش محشر میں جب ان کی آمد ہو اور

بھیجیں سب ان کی شوکت پہ لاکھوں سلام

153

مجھ سے خدمت کے قدسی کہیں ہاں ! رضاؔ

مصطفی جانِ رحمت پہ لاکھوں سلام

https://youtu.be/-yij-uD0sbQ

 لکھی ہوئی نعتیں وڈیو کے ساتھ 

نعت شریف بھیک عطا اے نبی صلی اللہ علیہ وسلم محتشم ہو

مصطفی جان رحمت پہ لاکھوں سلام تضمین

نعت شریف اردو-مصطفیٰ جان رحمت پہ لاکھوں سلام

لکھی ہوئی نعت شریف۔اب میری نگاہوں میں جچتا نہیں کوئی

نعت شریف-مدینے جلد وہ بلواٸیں گے

نعت شریف-دل کے غنچے کھلا دٸیے ہے

نعت شریف۔حضور ایساﷺ کوٸی انتظام ہو جاۓ۔

نعت رسول مقبولﷺ ۔ آج عشق میرے نعت سنائیں تو عجب کیا۔

زبردست نعت رسول اردو ۔اپنی نسبت سے میں کچھ نہیں ہو

مشھور نعت شریف اٹھا دو پردہ دکھادو چہرہ کہ نور باری حجاب میں ہے

10

نعت شریف اردو-خیرالبشر ﷺ پر لاکھوں سلام

11

 نعت شریف خوبصورت۔ دل درد سے بسمل کی طرح لوٹ رہا ہو

12

نعت شریف –سوچتاہوں میں وہ گھڑی کیا عجب گھڑی ہوگی ۔

13

خوبصورت نعت شریف اردو-عجب ہے کیف عجب ہے خمار آنکھوں میں

14

نعت شریف اردو – تو امیر حرم میں فقیرعجم-نعت شریف فارسی

15

حمد ۔حسبی ربی جل اللہ مافی قلبی غیر اللہ